Экс-кіраўнік брытанскай выведкі: Пуціна ў 2023 годзе не будзе ў жывых

Спачатку кіраўнік РФ «ляжа ў санаторыю».

Былы кіраўнік Мі-6 (сакрэтнай выведвальнай службы Вялікабрытаніі) Рычард Дзірлаў мяркуе, што неўзабаве прэзідэнт РФ Пуцін «зляжа» ў санаторый і зробіць гэта не зусім па сваёй волі. Пасля гэтага дыктатар страціць уладу, а ў 2023 годзе яго ўжо не будзе ў жывых.

Пра гэта паведамляе нямецкае выданне Frankfurter Rundschau.

Са слоў былога кіраўніка, Пуцін можа сысці з пасады прэзідэнта РФ ужо да наступнага года. Аднак гэта звязана не з вайной ва Украіне, а са станам здароўя 69-гадовага крывавага дыктатара.

Ужо неўзабаве Пуціна могуць адправіць у санаторый. Адтуль ён ужо не выйдзе ў якасці прэзідэнта РФ і пазбавіцца ўлады, мяркуе Дзірлаў, які ўзначальваў брытанскую выведку з 1999 да 2004 год.

"Я не думаю, што ён будзе жывы ў 2023 годзе", — сказаў экс-кіраўнік Мі-6.

Дзірлаў таксама выказаў меркаванне, хто заменіць дыктатара, калі той памрэ. Новым прэзідэнтам РФ можа стаць Мікалай Патрушаў, сакратар Савета бяспекі краіны-агрэсара.

"Калі мая тэза пацвердзіцца, і Пуцін схаваецца ў санаторыі, ён (Патрушаў - рэд.) стане магчымай заменай. І, вядома, у гэтым сцэнары замена, хутчэй за ўсё, будзе пастаяннай", - мяркуе былы кіраўнік брытанскай выведкі.