Бунт на Каспійскім флоце РФ: маракі адмаўляюцца ісці ў бой
8- 24.05.2022, 11:04
- 12,412
Караблі знаходзяцца ў аварыйным стане.
Расейскія маракі адмаўляюцца выконваць баявыя заданні праз аварыйны стан караблёў.
Як гаворыцца ў паведамленні Галоўнай управы выведкі Мінабароны Украіны, на некаторыя караблі РФ праз санкцыі замест арыгінальных блокаў устанавілі запчасткі ад бытавой тэхнікі кітайскай вытворчасці.
Цяпер камандаванне Каспійскай флатыліі, баючыся праверак і турмы хаваюць факты небаяздольнасці карабельнага складу і пагражаюць абвінаваціць у дзяржздрадзе і прысудзіць да 15 гадоў зняволення тых, хто іх здасць.
У сваю чаргу, маракі 106-й брыгады, якія ўдзельнічаюць у вайне супраць Украіны, адмаўляюцца выконваць баявыя заданні праз аварыйны стан караблёў і надумалі таемна напісаць лісты Уладзіміру Пуціну і Сяргею Шайгу, у якіх паскардзіліся на ўсе махінацыі камандавання, дадалі ў ГУР.