Кіраўнік Мінабароны Украіны анансаваў «прыемныя сюрпрызы», якія ўзмоцняць УСУ

Кіеву надаюць вайсковую падтрымку больш за 40 краін.

Міністр абароны Украіны Аляксей Рэзнікаў расказаў аб выніках сустрэчы кантактнай групы ў пытаннях абароны Украіны з удзелам больш як 40 краін.

З ягоных слоў, на сустрэчы абвясцілі аб новых спосабах падтрымкі, якія «могуць стаць game changing у гэтай вайне».

«Мы ўжо атрымалі пацверджанне аб узмацненні нашай берагавой абароны. Напрыклад, размова ідзе аб пускавых устаноўках і супрацькарабельных ракетах Harpoon. Развязанне было знойдзенае дзякуючы аб'яднанню намаганняў некалькіх нашых краін-партнёраў. Таксама гаворка ішла і пра іншыя прыемныя сюрпрызы, якія ўзмоцняць украінскае войска, і будуць непрыемныя для ворага», - напісаў ён у сваім Facebook.

Рэзнікаў дадаў, што спадзяецца на наступнай сустрэчы ў чэрвені далажыць сваім калегам заходнім краінам аб выніках выкарыстання зброі, аб якой ішла размова на сустрэчы 23 траўня.