11 жнiўня 2022, Чацвер, 14:11
Сім сім, Хартыя 97!
Рубрыкі

Двух беларусаў з ПВК «Вагнер» падазраюць у ваенных злачынствах пад Кіевам

14
Двух беларусаў з ПВК «Вагнер» падазраюць у ваенных злачынствах пад Кіевам
БРАЦКАЯ МАГІЛА Ў МАЦІЖЫНЕ

СБУ назвала іх прозвішчы.

Нараджэнец Рэчыцы Сяргей Сазонаў і нараджэнец Оршы Аляксандр Ступніцкі, якія ваявалі ў складзе ПВК «Вагнер» у Сірыі, падазраюцца ў 14 эпізодах катаванняў і зверскіх расстрэлаў у вёсцы Маціжын Кіеўскай вобласці, паведамляе «Радыё Свабода».

Акрамя таго, паводле следства, Сяргей Сазонаў і Аляксандр Ступніцкі ўдзельнічалі ў выкраданні, катаваннях і забойстве старасты Маціжына Вольгі Сухенкі, яе мужа і сына.

Абодва беларусы ўключаныя ў базу цэнтра «Міратворац». Паводле звестак, сабраных супрацоўнікамі цэнтра, Сяргей Сазонаў (нарадзіўся ў 1972 годзе) з'яўляецца былым маёрам міліцыі, працаваў участковым інспектарам Рэчыцкага РАУС. У 2015 годзе яго нібыта аштрафавалі за спажыванне наркотыкаў на 14 мільёнаў беларускіх рублёў. Мае пазыўны «Рой».

Аляксандр Ступніцкі нарадзіўся ў 1989 годзе і да гэтага часу нібыта мае прапіску ў Оршы.

Паводле звестак Цэнтра «Міратворац», абодва да гэтага часу маюць беларускае грамадзянства.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».