29 сакавiка 2024, Пятніца, 4:35
Падтрымайце
сайт
Сім сім,
Хартыя 97!
Рубрыкі

Пратэстоўцы ў Арменіі заблакавалі прэзідэнцкі палац

6
Пратэстоўцы ў Арменіі заблакавалі прэзідэнцкі палац

Апазіцыя хоча дамагчыся адстаўкі прэм'ер-міністра Нікола Пашыняна.

У Арменіі прадаўжаюцца акцыі пратэсту. Сёння раніцай прыхільнікі руху "Супраціўленне" заблакавалі палац прэзідэнта ў Ерэване. Яны паслядоўна блакуюць розныя ўстановы. Так, учора блакаваўся будынак МЗС.

Вакол палаца сталі паліцыянты. Пратэстоўцы акружылі іх. Учора апазіцыя блакавала ўваходы ў Міністэрства замежных справаў. Акцыя прадаўжалася некалькі гадзінаў.

«Наша мэта – каб ні адзін супрацоўнік не ўвайшоў у прэзідэнцкі будынак. Чаму мы заблакавалі прэзідэнцкі палац, бо працэс ідзе ў краіне ўжо месяц, гэта агульнанацыянальны рух, і чалавек, які сядзіць тут, адарваны ад рэальнасці», – заклікаў сваіх прыхільнікаў віцэ-спікер Нацыянальнага сходу, дэпутат ад фракцыі «Аястан» Ішхан Сагатэлян, паведамляе News.am.

Армянская апазіцыя хоча дамагчыся адстаўкі прэм'ер-міністра Нікола Пашыняна. Яна не згодная з ягонай палітыкай у сферы ўрэгулявання карабахскага канфлікту і прымірэння з Азербайджанам.

Напісаць каментар 6

Таксама сачыце за акаўнтамі Charter97.org у сацыяльных сетках