NYT: На пераправе праз Северскі Данец УСУ завабілі ў пастку і знішчылі больш за 400 расейскіх вайскоўцаў
9- 26.05.2022, 8:49
- 24,044
Сталі вядомыя новыя падрабязнасці бліскучай з пункту гледжання тактыкі аперацыі.
На пераправе праз Северскі Данец украінскія вайскоўцы знішчылі больш за 400 расейскіх вайскоўцаў за некалькі дзён, паведамляе The New York Times (пераклад - УНИАН).
Пра гэта ў каментары журналістам NYT распавялі самі ўкраінскія байцы. Пераправа акупантаў праз раку ў пачатку траўня стала адной з самых смяротных бітваў для пуцінскага войска.
Таксама журналісты даведаліся пра некаторыя падрабязнасці разгромнай для расейцаў аперацыі. 8 траўня УСУ далі значнай частцы сіл ворага магчымасць пераправіцца на паўднёвы бераг ракі, а затым нанеслі па іх удар.
Пасля чаго байцы ўзарвалі пантонныя масты. Шляхі да адступлення былі адрэзаны. Многія расейцы спрабавалі выратавацца, пераплываючы Северскі Данец у зваротным кірунку.