У Менску затрыманы камерцыйны дырэктар сеткі кінатэатраў «Silver Screen»

Раней ён працаваў у tut.by.

У Менску затрыманы Аляксандр Дземідовіч, камерцыйны дырэктар сеткі кінатэатраў «Silver Screen», пра гэта «Зеркалу» паведамілі тры не звязаныя паміж сабой крыніцы.

Дземідовіча затрымалі на працоўным месцы 25 траўня. Хто менавіта і з якой прычыны гэта зрабіў - на гэты момант невядома.

Раней мэнэджар працаваў на розных пасадах у tut.by. Да разгрому ўзначальваў адно з падраздзяленняў камерцыйнай службы.