Беларусь накрыў шторм

Праз моцны вецер чакаецца падзенне дрэў і перабоі са святлом.

Бязлітасны вецер (амаль шторм) прыйшоў у Беларусь. У МНС папярэдзілі беларусаў пра падзенне дрэў і адсутнасць святла

На сёння, 26 траўня сіноптыкі абвясцілі ў Беларусі жоўты ўзровень небяспекі праз вецер, дождж і навальніцы. Ратавальнікі папярэдзілі беларусаў пра небяспеку.

«Увага! Сёння (26 траўня) у асобных раёнах рэспублікі чакаюцца навальніцы і моцныя дажджы, у дзённы час месцамі па краіне - узмацненне ветру парывамі да 15-18 м/с», - паведамілі ў МНС.

Адзначым, што па класіфікацыі сілы і хуткасці ветру, у Беларусі падзьмуў «вельмі моцны» (ад 17,2 да 20,7 м/с). Ён блізкі да «шторму» (20,8-24,4 м/с).

Ратавальнікі агучылі фактары небяспекі, якія могуць абрынуцца на беларусаў у такіх умовах надвор'я:

пашкоджанне (абрыў) ліній сувязі і электраперадачы,

адключэнне электрычных падстанцый,

пашкоджанне (абвальванне) слаба ўмацаваных канструкцый,

дахаў будынкаў, збудаванняў,

падзенне дрэў,

падтапленне асобных дамоў, участкаў дарог, гаспадарчых пабудоў,

пагаршэнне ўмоў пры правядзенні аварыйна-выратавальных і аднаўленчых работ,

хуткае распаўсюджванне прыродных пажараў,

парушэнні ў рабоце дарожна-камунальных службаў.

Агулам па краіне 26 траўня будзе воблачна з праясненнямі. Тэмпература паветра складзе +16…+22°С.

У пятніцу, 27 траўня, і ў суботу, 28 траўня, на большай частцы тэрыторыі краіны дажджы, у асобных раёнах узмацненне ветру парывамі да 15-20 м/с. Тэмпература паветра ад +4°С уначы да +20°С удзень.