Сляпому ад нараджэння расейцу з ДЦП даслалі позву ў ваенкамат
14- 29.05.2022, 13:07
- 8,724
Мужчыну з інваліднасцю прызналі «ўхілістам».
28-гадоваму Сяргею Сіцікаву з Татарстана (РФ) даслалі позву ад ваенкамата, нягледзячы на інваліднасць і ДЦП.
Пра гэта расказвае "Комсомольская правда".
Сіцікаў сляпы ад нараджэння і перасоўваецца ў інвалідным вазку, таму позва яго вельмі здзівіла. Яшчэ больш яго здзівіла тое, што ў ваенкамаце яго ўважаюць ухілістам, бо нібыта дасылалі позвы і раней.
«Пры гэтым нечакана высветлілася, што тэчка з маёй асабістай справай знікла, а калі яе знайшлі, яна была пустая — усе дакументы і медыцынскі высновы зніклі. Як такое магло адбыцца?» - дзівіцца расеец.
У сітуацыі разбіраецца мясцовае аддзяленне супольнасці сляпых.