У Валожынскім раёне ад удару токам загінуў 44-гадовы мужчына

Ён спрабаваў самастойна «электрыфікаваць бытоўку».

У Валожынскім раёне ад удару токам загінуў 44-гадовы мужчына, паведамляе прэс-служба ведамства.

Паводле звестак следства, 44-гадовы мянчук усталяваў на лецішчы бытоўку, якую наважыў самастойна электрыфікаваць. Раніцай 2 траўня жыхара сталіцы без прыкмет жыцця знайшоў сусед. Падчас агляду на целе мужчыны выяўлены пашкоджанні, характэрныя для пашкоджання электрычным токам.

За дзень да здарэння загінулы скардзіўся, што памяшканне пачало біць токам, аднак працягнуў працу.