Праз наймацнейшую паводку ў Добрушы зараз амаль як у Венецыі
6- 9.05.2022, 18:31
- 8,178
Відэафакт.
Чытачы тэлеграм-канала «Гомельская вясна» падзяліліся відэа з затопленага Добруша - на ім людзі, зладжана працуючы вёсламі, плывуць на лодцы прама па залітай вадой вуліцы. Ролік суправаджаецца подпісам: «Добруш - чым не Венецыя?»
Цяперашняя паводка ў Добрушы — наймацнейшая за апошнія 9 гадоў. Праз разліў Іпуці і яе прытоку Хорапуці пачаліся затапленні падворкаў, падвалаў і нават дамоў. На агародах знішчаны пасевы, жыхарам раёнаў, якія прылягаюць да ракі, даводзіцца перамяшчацца на лодках.
А ў пачатку траўня падтапленні пачаліся не толькі на Сожы і Іпуці, але і на Дняпры — на ўчастку ніжэй Рэчыцы, на Бярэзіне ля Светлагорска, Прыпяці ля Нароўлі і некаторых прытокаў. Такую паводку тлумачаць вялікай колькасцю ападкаў у красавіку, у дадатак у басейнах Сожа і Дняпра ён наклаўся на максімум вясновай паводкі.