Знішчаны восем БМП і склад боепрыпасаў: авіяцыя УСУ трапна адпрацавала па акупантах
- 25.06.2022, 10:51
- 3,692
Украінскія лётчыкі таксама збілі расейскі штурмавік Су-25.
Украінскія Паветраныя сілы нанеслі некалькі авіяўдараў па акупантах на Ізюмскім напрамку ў Харкаўскай вобласці. На заданне выляталі штурмавікі Су-25 і бамбавікі Су-24м.
У выніку ўдалага нападу былі знішчаны восем баявых машын пяхоты і жывая сіла ворага. Пра гэта паведамляюць Паветраныя сілы УСУ.
Таксама на поўдні ўкраінская авіяцыя знішчыла чарговы склад боепрыпасаў расейскіх захопнікаў.
У той жа час супрацьпаветраная абарона ДШВ назаўжды прызямліла яшчэ адзін расейскі штурмавік Су-25.
Адзначаецца, што актыўнасць варожай авіяцыі паблізу ад украінскіх межаў не зніжалася. Пры гэтым акупанты ўжываюць баявую авіяцыю пераважна дыстанцыйна - яны не ўваходзяць у зону, дзе іх можа збіць украінская супрацьпаветраная абарона.
Акупанты працягваюць ажыццяўляць ракетныя абстрэлы па Украіне, выкарыстоўваючы ракеты рознага класа - паветранага, марскога і наземнага базавання.
Таксама захопнікі вядуць паветраную разведку з дапамогай беспілотнікаў як па лініі фронту, так і ўнутры Украіны. У ДШУ УСУ адзначаюць, што вораг, відавочна, вывучае гатоўнасць украінскай абароны, уразлівыя месцы крытычных аб'ектаў інфраструктуры, лагістыку і маршруты пастаўкі заходняга ўзбраення.