Грэцыя прыпыніла выдачу віз расейцам
10- 25.06.2022, 12:28
- 4,452
Консульствы ў Маскве, Наварасейску і Санкт-Пецярбургу спыняюць працу.
Візавы цэнтр Грэцыі ў Расеі часова перастаў прымаць у расейцаў дакументы на візы.
Пра гэта паведамілі ў Асацыяцыі тураператараў Расеі, паведамляе УНИАН.
Як адзначаюць расейскія тураператары, у самім візавым цэнтры спасылаюцца на тэхнічныя прычыны, звязаныя з абнаўленнем сістэмы. Пры гэтым не ўдакладняецца, калі Грэцыя плануе аднавіць прыём дакументаў у расейцаў.
Акрамя таго паведамляецца, што з 27 чэрвеня 2022 года консульствы Грэцыі ў Маскве, Наварасійску і Санкт-Пецярбургу прыпыняюць сваю працу. Пры гэтым удакладняецца, што візавыя цэнтры прадоўжаць аказваць кансультацыйныя паслугі, а таксама выдаваць пашпарты турыстам. Заяўнікам, у якіх ёсць актуальны запіс на даты пасля 27 чэрвеня, прапануюць перанесці яго на пазнейшы тэрмін.