Што зменіцца ў Беларусі для кіроўцаў таксі ды цяжкавікоў?

Прыняты законапраект аб аўтатранспарце і перавозках.

"Дэпутаты" прынялі ў другім чытанні законапраект «Аб змене Закона "Аб аўтатранспарце і аўтаперавозках», паведамляе прэсавая служба "палаты прадстаўнікоў Нацыянальнага сходу". Ён замацоўвае парадак дзейнасці кантрольных органаў. Але закранае і пытанні аплаты ў таксі, піша "Онлайнер".

Таксі

Замацавалі права пасажыра атрымаць інфармацыю аб тарыфах або прыблізным кошце паслугі. Паводле дзейных законаў таксісты могуць устанавіць усякі тарыф, трэба толькі, каб пасажыр пазнаёміўся з ім да пачатку паездкі. Ці можна зрабіць выгляд, што пасажыр меў магчымасць пазнаёміцца. Паводле звестак журналістаў, самай дарагой за апошнія гады паездкай быў шлях ад аэрапорта да гатэля «Еўропа», за які таксіст запатрабаваў 316,15 рубля.)

Расшырылі спосабы платы за праезд у таксі пры запыце з дапамогай электроннай інфармацыйнай сістэмы (праз мабільную праграму).

Закранулі і пытанне ўрэгулявання выкарыстання касавага абсталявання.

Кантроль і цяжкавікі

Замацавалі формы кантролю транспартнай інспекцыяй за выкананнем закона вытворцамі транспартных работ і паслуг пры арганізацыі і выкананні аўтаперавозак.

За Мінтрансам – кантроль за выкананнем ліцэнзіятамі закона Аб ліцэнзаванні, ліцэнзійных патрабаванняў.

Дапоўнілі паўнамоцтвы ўрад ва ўстанаўленні выпадкаў і парадку канфіскацыі дазволаў на праезд беларускіх транспартных сродкаў па тэрыторыі замежных дзяржаў пры выкананні міжнародных аўтаперавозак. А паўнамоцтвы Мінтранса дапоўнілі ў пытанні вызначэння штогадовай колькасці выдаваных замежным дзяржавам дазволаў на праезд іх аўтамабіляў па нашай краіне пры выкананні аўтаперавозак, выдачы, канфіскацыі, вяртання дазволаў на праезд нашых аўтамабіляў па тэрыторыі іншых краін.

Размежаваная адказнасць адпраўніка, экспедытара і атрымальнікаў тавараў за прычыненыя возніку страты.

На пастанову мясцовых органаў улады да прыгарадных перавозак дазволена залічваць маршруты даўжынёй больш за 50 км.