ЗША, Брытанія і іншыя краіны стварылі Ціхаакіянскі звяз
5- 25.06.2022, 19:05
- 3,600
У яе таксама ўвайшлі Японія, Аўстралія і Новая Зеландыя.
Злучаныя Штаты Амерыкі, Вялікабрытанія, Японія, Аўстралія і Новая Зеландыя ўклалі новы звяз. Яны арганізавалі групу Ціхаакіянскага партнёрства. Пра гэта стала вядома з афіцыйнай публікацыі на сайце Белага дома, піша unian.net.
У супольнай заяве згаданых краін сказана, што рэгіён, які ўключае Ціхаакіянскія выспы, складае блізу пятай часткі зямной паверхні. Цяпер ён разглядае многія глабальныя сусветныя праблемы, напрыклад, змены клімату, пандэмію COVID-19 і ціск аўтакратычных рэжымаў на міжнародны парадак. Таму чальцы форуму ціхаакіянскіх выспаў, які выступае галоўнай рухальнай сілай рэгіянальнага ўзаемадзеяння, арганізаваліся для развязання актуальных задач.
На працягу 23 і 24 чэрвеня ў Вашынгтоне праходзілі кансультацыі афіцыйных асоб ЗША, Брытаніі, Японіі, Аўстраліі і Новай Зеландыі з ціхаакіянскімі дыпламатычнымі місіямі і іншымі партнёрамі. Гэтыя сустрэчы прывялі ў дзеянне "нефармальны механізм для больш эфектыўнай і дзейснай падтрымкі прыярытэтаў Ціхаакіянскага рэгіёну". У выніку было арганізавана Ціхаакіянскае партнёрства.
Мэты новастворанай групы
Нарошчванне існых намаганняў у падтрымцы прыярытэтаў Ціхаакіянскага рэгіёну ў адпаведнасці з рыхтаванай стратэгіяй форуму ціхаакіянскіх астравоў да 2050 года для блакітнага Ціхаакіянскага кантынента. Удзельнікі партнёрства складуць карту існых і сплануюць будучыя праекты, імкнучыся правільна накіраваць рэсурсы, ліквідаваць дубляванне і ліквідаваць прабелы.
Умацаванне Ціхаакіянскага рэгіяналізму. Група ўсталюе сувязі з урадамі краін Ціхаакіянскага рэгіёну і форумам ціхаакіянскіх астравоў, спрыяючы больш шчыльнаму і рэгулярнаму ўзаемадзеянню са сваімі ўрадамі.
Пашырэнне магчымасцяў для супрацоўніцтва паміж Ціхаакіянскім рэгіёнам і светам. Краіны партнёрства будуць заахвочваць і спрыяць больш актыўнаму ўзаемадзеянню з Ціхаакіянскім рэгіёнам усіх іншых партнёраў, якія падзяляюць каштоўнасці Ціхаакіянскага рэгіёну і якія імкнуцца канструктыўна і празрыста працаваць на карысць жыхароў рэгіёну.