УСУ адбілі атакі расейцаў на Мар'інку, Пакроўскае і Нью-Ёрк

Вячэрняя зводка Генштаба УСУ.

Украінскае войска 122-і дзень з пачатку поўнамаштабнай вайны змагаецца з расейскімі акупантамі. За мінулы дзень байцам удалося адбіць некалькі атак войскаў РФ. Пра гэта 25 чэрвеня гаворыцца ў вячэрняй зводцы Генеральнага штаба УСУ.

На Валынскім і Палескім кірунках падраздзяленні ўзброеных сіл Рэспублікі Беларусь на ратацыйнай аснове выконваюць задачы для прыкрыцця беларуска-ўкраінскай граніцы ў Берасцейскай і Гомельскай абласцях. Захоўваецца пагроза ракетных і авіяцыйных удараў з тэрыторыі краіны.

На Северскім кірунку акупанты прадаўжаюць удасканаленне абаронных пазіцый у прыгранічных раёнах Расейскай Федэрацыі. Вораг абстраляў з артылерыі пазіцый нашых войскаў пад населенымі пунктамі Хрынаўкай і Янжулаўкай Чарнігаўскай вобласці.

На Слабажанскім кірунку вораг ужывае захады для забеспячэння сваіх падраздзяленняў боепрыпасамі. Ажыццяўляе крокі для папаўнення страт.

На Харкаўскім кірунку вораг абстрэльваў пазіцыі нашых войскаў і элементы інфраструктуры населеных пунктаў.

На Славянскім накірунку ўкраінскія воіны спынілі спробу варожага наступу пад Багародзічным і штурму ў накірунку Мазанаўкі. Акупанты са стратамі адышлі.

На Данецкім кірунку праціўнік асноўныя намаганні засяроджвае на ўтрыманні занятых рубяжоў і правядзенні перагрупоўкі войскаў.

На Краматорскім кірунку вораг актыўных дзеянняў не вёў. Абстрэльваў населеныя пункты Маякі, Піскунаўку і Северск. З мэтай выяўлення пазіцый нашых войск і карэкціроўкі агню праводзіў паветраную выведку БПЛА «Арлан-10».

На Лісічанскім кірунку праціўнік абстрэльваў раёны населеных пунктаў Ваўчаяркі, Лапікаўкі, Белай Гары, Верхнекаменкі, Верхнекаменскага, Выемкі і Залатароўкі.

На Бахмуцкім кірунку варожыя абстрэлы з мінамётаў, ствольнай і рэактыўнай артылерыі зафіксаваныя непадалёк ад населеных пунктаў Канстанцінаўкі, Пакроўскага, Мікалаеўкі, Вяршыны, Берастава, Зайцава, Клінава, Нью-Ёрку, Уладзіміраўкі і Івана-Дар'еўкі.

Нашы абаронцы паспяхова адбілі ўсе наступальныя і штурмавыя дзеянні ворага ў ля населеных пунктаў Пакроўскага, Нью-Ёрка і Мар'інкі. Акупанты адышлі.

У мэтах скоўвання дзеянняў нашых войскаў вораг праводзіў дэманстратыўныя дзеянні ў кірунку населенага пункта Вяршыны. Таксама вораг нанёс авіяцыйныя ўдары верталётамі Ка-52 і Мі-24 недалёка ад Паўлаўкі.

Пасля адводу падраздзяленняў нашых войскаў вораг замацоўваецца ля населеных пунктаў Севераданецка, Сіроціна, Воранава і Бароўскага.

На Паўднёвабужскім кірунку вораг засяроджвае асноўныя намаганні на ўтрыманні занятых рубяжоў. У мэтах знясілення асабовага складу і разбурэння фартыфікацыйных збудаванняў вораг абстрэльваў пазіцыі нашых войскаў з мінамётаў, ствольнай і рэактыўнай артылерыі ўздоўж лініі сутыкнення.

У Акваторыях Чорнага і Азоўскага мораў у гатоўнасці да нанясення ракетных удараў па аб'ектах на тэрыторыі Украіны акупанты трымаюць два носьбіты высокадакладнай зброі. Сумарны залп складае да шаснаццаці крылатых ракет марскога базавання «Калібр».

Асабовы склад ворага дэмаралізаваны, абяцаныя «велізарныя» выплаты за ўдзел у баявых дзеяннях камандаваннем расейскіх акупацыйных войскаў пад рознымі падставамі не робяцца. Акупанты прадаўжаюць несці значныя страты ў баях з Сіламі абароны Украіны.