На Львоўшчыне дзеці самі сабралі грошы на бронекамізэлькі для УСУ
3- 25.06.2022, 20:31
- 1,998
З расейскімі акупантамі змагаецца ўся Украіна.
У Стрыйскім раёне (Львоўская вобласць) дзеці самастойна сабралі грошы на куплю дзвюх бронекамізэлек для байцоў УСУ. Пра гэта паведамілі ў Facebook прадстаўнікі Львоўскай абласной дзяржаўнай адміністрацыі.
Як кажуць чыноўнікі, дабрачынны фонд "Творы дабро" падтрымаў ініцыятыву юных валанцёраў, якія назвалі свой праект "Блок-пост юнага патрыёта дзеля мары".
Дзеці звярталіся да кіроўцаў аўтамабіляў з просьбай падтрымаць вайскоўцаў і далучыцца да збору сродкаў на бронекамізэльку.
За тры дні працы "блок-посту" дзеці сабралі грашовыя сродкі на дзве бронекамізэлькі для ваяк іхняга Стрыйскага раёна, якія абараняюць цяпер Украіну на фронце.