Уначы Пуцін тэрмінова прыбыў у Крэмль
54- 26.06.2022, 8:10
- 69,516
Гэта адбылося адразу пасля сустрэчы з Лукашэнкам у Санкт-Пецярбургу.
У ноч з 25 на 26 чэрвеня прэзідэнт краіны-агрэсара Уладзімір Пуцін тэрмінова прыбыў у Крэмль, паведамляе УНІАН.
Пуцін прыбыў у Крэмль адразу ж пасля сустрэчы з Аляксандрам Лукашэнкам у Санкт-Пецярбургу, паведамляюць у сацыяльных сетках.
Прэс-сакратар Пуціна Дзмітрый Пяскоў у каментары расейскаму прапагандысцкаму рэсурсу ТАСС паведаміў, што дыктатар прыехаў у Крэмль «не для падрыхтоўкі экстраннай заявы».
Лукашэнка папрасіў Пуціна «дапамагчы» з ядзернай зброяй каля межаў Беларусі
25 чэрвеня 2022 года Лукашэнка на сустрэчы з Пуціным пракаментаваў ізаляцыю Калінінграда Літвой.
Лукашэнка заявіў, што яму «жыццёва важна» абмеркаваць з Пуціным пытанні абароны. З ягоных слоў, забарона на транзіт у Калінінград «падобная на абвяшчэнне вайны».
Пры гэтым Лукашэнка «папрасіў» Пуціна дапамагчы з «люстраным адказам» на палёты авіяцыі NATO з ядзернай зброяй ля межаў Беларусі.
Пуцін заявіў, што цягам найбліжэйшых месяцаў Масква перадасць Менску комплексы «Іскандэр-М». А таксама аб тым, што Су-25 на ўзбраенні Беларусі можна аснасціць ядзернымі зарадамі на авіязаводах у РФ і пачаць падрыхтоўку лётнага складу.