Японія абвясціла пра новы пакет санкцый супраць Расеі
4- 27.06.2022, 10:14
- 3,956
Абмежаванні закрануць 70 людзей і 90 кампаній.
На саміце G7 у Нямеччыне прэм'ер-міністр Японіі Фуміа Кісіда абвясціў пра дадатковыя санкцыі супраць Расеі, уключаючы забарону на ўвоз расейскага золата. Пра гэта паведамляе NHK.
Сярод новых абмежаванняў:
забарона на ўвоз расейскага золата;
забарона на некаторыя паслугі для Расеі, як бухгалтарскія і траставыя;
далейшае пашырэнне захадаў для замарожвання актываў прыкладна для 70 расейскіх фізічных асобаў;
забарона на экспарт у дачыненні да 90 арганізацый, звязаных з ваеннай сферай.
"Мы знаходзімся на ростанях гісторыі. Пытанне ў тым, ці зможам мы падтрымліваць міжнародны парадак, заснаваны на правілах. Рада Бяспекі ААН і іншыя структуры не адрэагавалі напоўніцу", – сказаў Кісіда на саміце.