Што беларусы часцей за ўсё прывозяць з Польшчы і Літвы

Звесткі даследавання.

21 траўня 2022 года спецыялісты Нацстата праводзілі выбарачнае абследаванне фізічных асоб у аўтадарожных пунктах пропуску праз мяжу Рэспублікі Беларусь, беларусы запоўнілі 1 643 анкеты. Па выніках апрацоўкі звестак высветлілася, што найчасцей беларусы ездзяць у Польшчу, Літву і Латвію, піша citydog.io.

І што беларусы прывозяць з Польшчы і Літвы найчасцей?

• Тэлевізары (увезена ў сярэднім на 467 даляраў ЗША на аднаго чалавека, які ўказаў факт увозу і кошт гэтага тыпу тавару),

• кампутарная тэхніка і сродкі сувязі (462 даляры),

• электрычная бытавая тэхніка (319 даляраў),

• шыны і колы (159 даляраў),

• электраінструмент, бензапілы (136 даляраў),

• мэбля, матрацы, асвятляльныя прыборы (125 даляраў),

• аўтазапчасткі (115 даляраў),

• сантэхніка (107 даляраў),

• лекавыя сродкі (97 даляраў),

• будаўнічыя матэрыялы (92 даляры),

• адзенне (60 даляраў),

• тытунёвыя вырабы (57 даляраў),

• абутак (56 даляраў),

• цацкі, гульні, спартовы інвентар (52 даляра),

• торбы, валізкі і г.д (50 даляраў).