Прэзідэнтка Малдовы Санду нечакана прыбыла з візітам у Кіеў
10- 27.06.2022, 12:45
- 9,752
Ейны візіт раней не анансаваўся.
Прэзідэнтка Малдовы Мая Санду сёння прыбыла з неанансаваным візітам у Кіеў, паведамляе NewsMaker.
Інфармацыю аб візіце 27 чэрвеня ў Кіеў і сустрэчы з прэзідэнтам Украіны Уладзімірам Зяленскім пацвердзілі ў адміністрацыі Санду.
Адзначаецца, што Санду наведае сталічныя прадмесці - Бучу, Ірпень і Барадзянку. Гэтыя гарады моцна пацярпелі ад расейскай агрэсіі і ваенных злачынстваў.
Аб намеры наведаць Кіеў Майя Санду заявіла яшчэ 24 чэрвеня.
"Ёсць гэта ў планах. Але падрабязнасці я раскажу, калі мы пацвердзім усе моманты", — сказала Санду.