Найбліжэйшым часам ва Украіне чакаюць чарговыя ракетныя старты з Беларусі

Пра гэта гаворыцца ў вестках Генеральнага штаба УСУ.

Украінская выведка мае звесткі, што найбліжэйшым часам па Украіне будуць чарговы раз выпушчаныя ракеты з тэрыторыі Беларусі.

Пра гэта паведамляецца ў вечаровых вестках Генеральнага штаба Узброеных сіл Украіны за 27 чэрвеня.

"На Валынскім і Палескім кірунках не выключаецца правядзенне дэманстрацыйных і правакацыйных дзеянняў з боку падраздзяленняў узброеных сіл Беларусі ў прымежных з Украінай раёнах, а таксама ўзмацненне вядзення выведкі для ўдакладнення пазіцый і характару дзейнасці нашых войскаў."

Чакаецца працяг авіяцыйных і ракетных удараў з тэрыторыі ды паветранай прасторы Беларусі. Яшчэ раз заклікаем не грэбаваць сігналамі паветранай трывогі".