«На заводзе толькі ў адным цэху раздалі 30 позваў»
69- 28.06.2022, 18:35
- 61,766
Рэжым Лукашэнкі рыхтуецца ўступіць у вайну?
У Гомельскай вобласці праходзяць "мабілізацыйныя вучэнні". Абяцалі скончыць 1 ліпеня. Але ў канцы чэрвеня жыхарам раёна сталі прыходзіць позвы нават на 5 ліпеня.
Чытачы «Радыё Свабода» паведамляюць, што ў Гомелі, Светлагорску, Мазыры, Брагіне і ў сёлах тутэйшых жыхароў “засыпалі” позвамі ў вайсковы камісарыят.
«Толькі ў адным цэху завода было раздадзена 30 позваў. І не толькі на канец чэрвеня, а сяго-таго выклікалі на 5 ліпеня. Як гэта, калі вучэнні афіцыйна маюць скончыцца 1 ліпеня? Прычым прыходзяць проста на змены ў цэх», - расказаў жыхар Гомеля.
Такія паведамленні паступаюць ад чытачоў з розных раёнаў Гомельскай вобласці.