6 кастрычнiка 2022, Чацвер, 6:50
Сім сім, Хартыя 97!
Рубрыкі

«П'юць тое, чым мыюцца»

3
«П'юць тое, чым мыюцца»
ІЛЮСТРАЦЫЙНАЕ ФОТА

Акупанты на Данеччыне бяруць ваду для насельніцтва з іртутнага вадасховішча.

Расейцы прадаўжаюць свядома знішчаць украінцаў на акупаваных тэрыторыях. Калі раней яны білі па іх ракетамі, то цяпер выкарыстоўваюць іншы від зброі. Напрыклад, небяспечную для здароўя ваду.

Крыніцы ва ўкраінскай выведцы паведамляюць, што ў Данецкай вобласці цягам пэўнага часу ігнаруюць любыя нормы водазабеспячэння. Так што пітную ваду жыхары часова акупаваных тэрыторый атрымліваюць з надзвычай небяспечных сховішчаў, паведамляе 24 канал.

Жыхары Данецкай вобласці сутыкаюцца з дэфіцытам не толькі пітной вады, але і вады для побытавых патрэбаў. Так што, падкрэсліваюць у выведцы, ім даводзіцца літаральна піць тое, чым мыюцца. Ды і ўвогуле выкарыстоўваць тую пажыўную вільгаць, якую ім хоць бы прывозяць у цыстэрнах. Хоць і паходжанне яе вельмі сумнеўнае і пагражае не менш, чым адсутнасць вады.

На днях з пагрозай для здароўя сутыкнуліся жыхары Горлаўкі. У горадзе для насельніцтва пачалі набіраць ваду не са свідравінаў. Акупантам не прыйшло ў галаву нічога лепшага, чым выкарыстоўваць для гэтага ртутнае вадасховішча.

Нагадаем, што пра небяспеку, звязаную з вадой у Данецкай вобласці, гавораць цягам не аднаго года. Уласна побач з Горлаўкай размешчаная Мікітоўка, у якой раней функцыянаваў іртутны камбінат. Натуральна, прадпрыемства пакуль не працуе. Але гэта не значыць, што зніклі хімічныя адкіды.

І гэтая грымучая сумесь у спалучэнні з адсутнасцю кантролю якасці вады можа мець жаласныя наступствы. Бо калі ртуць і іншыя небяспечныя злучэнні патрапілі ў ваду, то мясцовыя жыхары вельмі рызыкуюць уласным жыццём. Але гэта, вядома ж, акупантаў не надта хвалюе.

Тут трэба ўспомніць сітуацыю з Рудым лесам. Калі вы забыліся, мы нагадаем. Расейскія вайскоўцы літаральна капалі акопы ў радыеактыўным лесе. І іхняму кіраўніцтву не прыходзіла ў галаву, што гэта можа мець негатыўныя наступствы. Так, шэраг расейскіх байцоў паехалі на лекаванне адразу пасля таго, як нашыя вайскоўцы адціснулі іх з Кіеўшчыны.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».