28 сакавiка 2024, Чацвер, 21:21
Падтрымайце
сайт
Сім сім,
Хартыя 97!
Рубрыкі

Б'юцца ў агоніі ў лякарнях: параненым акупантам не стае медыкаментаў і ложкаў

7
Б'юцца ў агоніі ў лякарнях: параненым акупантам не стае медыкаментаў і ложкаў

Выжыванне пры раненні ў зводным акупацыйным войску не перавышае 30%.

Амаль усе медыцынскія ўстановы на акупаванай Расеяй тэрыторыі Данецкай і Луганскай абласцей перапоўнены параненымі і траўміраванымі расейскімі вайскоўцамі. Пры гэтым прыём мясцовых баевікоў з так званых "ЛНР" і "ДНР" у бальніцах амаль спынілі.

Пра гэта паведамляе "24 канал" са спасылкай на свае крыніцы ва ўкраінскіх спецслужбах. Са звестак канала, медыцынскія ўстановы на акупаванай частцы Данбаса працуюць у рэжыме палявых шпіталяў і захлынаюцца ад патоку параненых, таму "трохсотых" расейскіх вайскоўцаў ужо даўно вязуць за дзясяткі кіламетраў ад лініі сутыкнення.

"З-за вялізных беззваротных страт у войску Расеі, камандзіры армій ужо даўно аддалі загад аб выдачы першачарговай дапамогі менавіта акупантам. Баевікі з "армій" недарэспублік і мабілізаваныя на Данбасе на нейкае адэкватнае лячэнне спадзявацца наогул не могуць", - гаворыцца ў паведамленні.

Адзначаецца, што праз татальны медыцынскі крызіс у самой Расеі, акупанты былі не здольныя забяспечыць лякарні Данбаса патрэбнай колькасцю медыкаментаў. Акрамя таго, у медыцынскіх установах акупаваных гарадоў Данбаса і Луганскай вобласці не стае кваліфікаванага персаналу.

"Хірургам пад рулямі аўтаматаў часам даводзіцца працаваць без перапынку па 30 гадзін абы выратаваць нейкага чарговага палкоўніка", – паведамляе "24 канал".

Адзначаецца, што адсутнасць у шараговага складу навыкаў тактычнай медыцыны і немагчымасць своечасовага енадання кваліфікаванай дапамогі прывяла да таго, што часцей за ўсё ў медыцынскіх установах параненым банальна ампутуюць канечнасці. Пры гэтым такія аперацыі лічацца простымі і робяцца фельчарамі і медсёстрамі.

"Фактычна выжывальнасць пры раненні ў зводным акупацыйным войску не перавышае 30%. Нават траплянне абломка ў руку з лёгкасцю прыводзіць да адразання канечнасці, распаўсюджвання інфекцыі і цяжкай смерці", - гаворыцца ў паведамленні.

Са слоў мясцовых жыхароў, каля кожнай лякарні на акупаванай частцы Данбаса пастаянна можна пачуць гучны стогн салдат, якія б'юцца ў агоніі.

Напісаць каментар 7

Таксама сачыце за акаўнтамі Charter97.org у сацыяльных сетках