У цэнтры Менска ўзарваўся багажнік таксоўкі
5- 29.06.2022, 14:55
- 11,880
На праспекце Незалежнасці абмежавалі рух аўтамабіляў.
29 чэрвеня на праспекце Незалежнасці ў цэнтры Менска адбылося ДТЗ, праз якое ўзарваўся багажнік таксоўкі. На месца выехалі ДАІ і МНС, паведамляе telegraf.news.
Як распавялі ў ДАІ, аўтамабіль таксоўкі «Reno Logan» спыніўся на праспекце праз затор. Ззаду ў яго рэзнуўся Nissan Primera, які не выконваў дыстанцыю.
Так як у таксоўцы знаходзілася газавае абсталяванне, ад удару адбыўся выцек. Газавы балон узарваўся.
Са слоў ратавальнікаў, ніхто не пацярпеў.
Рух аўто абмяжоўвалі на праспекце Незалежнасці ад вуліцы Свярдлова да вуліцы Валадарскага.