Ваенны эксперт расказаў, калі Лукашэнка вызначыцца з уварваннем ва Украіну
10- 30.06.2022, 10:43
- 13,520
Беларускія падраздзяленні могуць быць узмоцненыя расейскімі войскамі.
Сёння сітуацыя на мяжы Беларусі і Украіны напружаная праз манеўры вайскоўцаў у Беларусі.
Нападзе Беларусь на Украіну ці не – стане вядома да 15 ліпеня.
Такое меркаванне выказаў ваенны эксперт Аляксандр Мусіенка ў эфіры тэлеканала 1+1, паведамляе УНІАН.
"Беларускія падраздзяленні трэба ўзмацніць расейскімі войскамі. А на сёння не відаць руху расейскіх войскаў у вялікай колькасці для падрыхтоўкі разгортвання групоўкі войскаў, якія маглі б рухацца ва ўкраінскім напрамку. У нас ужо ёсць гэты горкі досвед. Гэта стане прыкметна адразу... На сёння Беларусь праводзіць розныя манеўры і спрабуе трымаць у напружанні сітуацыю. Чарговы раўнд – праверка мабілізацыйных рэзерваў прадоўжыцца да 15 ліпеня..." – адзначыў ён.
Паводле словаў эксперта, менавіта да гэтай даты можна ўбачыць, ці будзе расці іх колькасць у выніку мабілізацыйнай падрыхтоўкі і праверкі рэзерваў.
"Але вялікай ударнай групоўкі войскаў пакуль не відаць", – дадаў Мусіенка.