«Як селядцы ў бочцы»: бацька ліквідаванага акупанта паскардзіўся на «нявартае» пахаванне сына

Як у Расеі «шануюць» сваіх салдат.

У Растове акупантаў, якія знайшлі сваю смерць ва Украіне, пахавалі з парушэннем нормаў: замест трох магіл на плошчу пяць квадратных метраў запіхалі па шэсць пахаванняў.

Аб гэтым піша выданне «Растоў-газета», паведамляе Цензор.НЕТ.

У рэдакцыю звярнуўся бацька аднаго з ліквідаваных ва Украіне салдат. Мужчына баіцца называць сваё імя - у матэрыяле яго называюць Уладзімірам Мікалаевым. Ён расказаў, што ягоны сын быў пахаваны ў сектары Мужнасці на Алеі Герояў Паўночных могілак. «Дамовіцца аб гэтым было вельмі складана», - кажа мужчына.

Але ўсе магілы былі вельмі шчыльна адна да адной. «Нашых дзяцей пахавалі як селядзец у бочцы», - кажа растаўчук.

«Уяўляеце, калі на 1,1 метр ставяць помнік, разлічаны на стандартныя паўтара метра? Ён жа зойме ляжалыя побач магілы», – дадае ён.

Пры гэтым перапахаваць сваіх сыноў бацькам не даюць магчымасці.

У адміністрацыі могілак мужчыну патлумачылі, што «так атрымалася», і параілі звяртацца ў суд.

Журналістам прычыну здарэння на могілках патлумачылі словам«вэрхал». «Паводле закону памеры магілы - 1,5 метра на 2,3. Але чаму выйшла інакш, я б сказаў пры асабістай сустрэчы. Тэлефонам баюся казаць», - сказаў супрацоўнік управы могілак.