Прэм'ер-міністр Польшчы пабываў на мяжы з Беларуссю
10- 30.06.2022, 14:04
- 9,286
Матэвуш Маравецкі агледзеў загароду, якая з'явілася на польска-беларускай мяжы.
Польшча скончыла будаваць 5-метровую металічную загароду працягласцю больш як 186 км на граніцы з Беларуссю. З гэтай нагоды ў чацвер мяжу наведаў прэм'ер-міністр Польшчы Матэвуш Маравецкі.
Будаўніцтва агароджы пачалося ў студзені 2022 года і стала следствам міграцыйнага крызісу, які штучна стварыў афіцыйны Менск у 2021 годзе. Кошт праекта склаў 353 мільёны еўраў.
🛡 Budowa fizycznej części zapory na granicy polsko-białoruskiej 🇵🇱 | 🇧🇾 dobiegła końca 🏗
— MSWiA 🇵🇱 (@MSWiA_GOV_PL) June 30, 2022
✅ Oto efekt pracy, która rozpoczęła się pół roku temu ⤵#zapora pic.twitter.com/jhlUBza3IV
Маравецкі адзначыў, што Польшча своечасова рэалізавала гэты праект, інакш давялося б цяпер трымаць шмат сіл каля мяжы з Беларуссю. «Дзякуючы празорлівай палітыцы сёння мы можам канцэнтравацца на тым, што з'яўляецца нашым і еўрапейскім найвышэйшым прыярытэтам - на дапамозе Украіне, якая змагаецца», - сказаў прэм'ер.
