Названыя чатыры звычкі, якія падоўжаць ваша жыццё на дзесяць гадоў

Што трэба рабіць, каб жыць даўжэй.

Навукоўцы з Гарвардскага ўніверсітэта выявілі патэрны паводзін, якія могуць падоўжыць жыццё на дзесяць і больш гадоў. У працэсе даследавання спецыялісты вывучылі вялікую колькасць звестак ад 78 000 жанчын і 44 000 мужчын. Вынікі паказалі карэляцыю паміж пэўнымі звычкамі і памяншэннем рызыкі сэрцава-судзінных і анкалагічных захворванняў, якія з'яўляюцца адной з асноўных прычын дачасных смерцяў. Выявілася, што людзі, якія выконвалі пяць простых правілаў, мелі на 82% менш шанцаў памерці ад хвароб сэрца ці раку. Сайт marieclaire.ru распавёў, што гэта за правілы.

Выконваць здаровую дыету

На меркаванне даследнікаў, здаровая дыета павінна змяшчаць мінімальна апрацаваныя суцэльныя прадукты і зеляніну, гародніну, садавіну, арэхі і ўсякія натуральныя крыніцы бялку, напрыклад, рыбу і бабы.

Рэгулярна займацца спортам<

Аб важнасці фізічных нагрузак для павелічэння працягласці жыцця сведчыць не толькі даследаванне навукоўцаў з Гарварда. Спецыялісты амерыканскага Нацыянальнага інстытута раку (NCI) таксама пацвярджаюць: нават невялікая колькасць штодзённых практыкаванняў можа падоўжыць жыццё на некалькі год. Падыдуць усе сярэднія нагрузкі: шпацыры на свежым паветры, ёга, лёгкія сілавыя трэніроўкі і да т.п.

«Было даведзена, што фізічная актыўнасць дапамагае падтрымліваць здаровую вагу цела, здароўе касцей, цягліц і суставаў, спрыяе псіхалагічнаму дабрабыту і зніжае рызыку многіх захворванняў, у тым ліку некаторых тыпаў раку», – кажуць супрацоўнікі NCI.

Абмежаваць алкаголь

Даведзена, што алкаголь павялічвае рызыку адразу некалькіх тыпаў раку: грудзей, тоўстай кішкі і стрававода. Пры гэтым скарачэнне колькасці спажываных спіртных напояў (ці зусім адмова ад іх), наадварот, зніжае рызыку анкалогіі і шэрагу іншых небяспечных хвароб і падаўжае жыццё.

Не паліць

Калі ад алкаголю не абавязкова адмаўляцца цалкам, то такую шкодную звычку, як курэнне, варта назаўжды выключыць, калі вы хочаце пражыць даўжэй. Справа ў тым, што цыгарэты з'яўляюцца прычынай смяротнасці ад раку лёгкіх у 90% усіх выпадкаў, ад бранхіту і эмфізэмы - у 75% і ад хвароб сэрца - у прыкладна 25% выпадкаў.