Вечаровая справаздача Генштаба УСУ

Украіна 127-ы дзень супрацьстаіць уварванню РФ.

У Генеральным штабе Украіны апублікавалі вечаровую справаздачу сітуацыі на франтах на 127-ы дзень супрацьстаяння ўкраінскаму войску расейскаму нашэсцю. Акупанты працягваюць штурмаваць Лісічанск і Славянск.

Пра гэта паведамляе прэс-служба Генеральнага штаба УСУ ў Facebook.

Валынскі і Палескі кірункі

Адмысловых змен не назіраецца. Магчыма правядзенне ратацыі аднаго з атрадаў спецпрызначэння, які выконвае заданні ў раёне н. п. Пінск Берасцейскай вобласці на поўдні Беларусі. Падраздзяленні беларускага войска выкарыстоўваюць комплексы радыёэлектроннай барацьбы ў раёнах на мяжы з Валынскай вобласцю.

Сіверскі кірунак

Расейцы працягваюць утрымліваць падраздзяленні ўкраінскага войска ў памежных раёнах Бранскай і Курскай абласцей, робячы артылерыйскія абстрэлы. Супраціўнік праводзіў паветраную выведку з дапамогай беспілотніка ў н.п. Кіслая Дубіна, разгортвае комплексы радыёэлектроннай барацьбы ў н.п. Алешня ў Курскай вобласці.

Харкаўскі кірунак

Акупанты спрабуюць утрымаць абарону раней занятых пазіцый. Былі нанесеныя варожыя авіяцыйныя ўдары каля Прудзянкі і Аднарабоўкі, нанесены ракетны ўдар па Харкаве.

Пры гэтым УСУ здушылі штурм у кірунку н. п. Качубееўка - Дземянціеўка.

Вораг адкрываў артылерыйскі агонь па раёнах такіх вёсак: Пітомнік, Дземянціеўка, Іванаўка, Рубежнае, Яварскае, Пятроўка, Рускія Цішкі, Кутузаўка. Праводзіў паветраную выведку з дапамогай беспілотніка тыпу Арлан-10 каля Прудзянкі і Рускай Лазавой.

Славянскі кірунак

На гэтым кірунку расейскія падраздзяленні перагрупоўваюцца. УСУ ўдалося адбіць штурм у кірунку н. п. Даўгенька - Мазанаўка, прымусіўшы супраціўніка адступіць.

Расейцы таксама беспаспяхова вялі штурм населенага пункта Багародзічнае, спрабуючы ўзяць пад поўны кантроль.

Абстрэльвалі акупанты раёны н. п. Багародзічнае, Краснаполле, Курулька, Вернаполле, Красная Паляна.

Краматорскі кірунак

Актыўныя дзеянні не зафіксаваныя. Сураціўнік нанёс авіяўдары ў раёне н. п. Таццянаўка.

Лісічанскі кірунак

Расейскія акупанты працягваюць абстрэльваць пазіцыі УСУ ў раёне Лісічанска. Вядуць штурм у раёне Лісічанскага нафтаперапрацоўчага завода, маючы частковы поспех. Цяпер вораг змяшчае паўночна-заходнюю і паўднёва-ўсходнюю часткі НПЗ.

Супраціўнік вёў штурмавыя дзеянні ў раёнах паўночна-ўсходняй часткі завода, н. п. Тапалёўка і паўночнай часткі н. п. Валчаярка і Маларазанцава, дзе мае частковы поспех. Таксама расейцы ўтрымліваюць пад агнявым кантролем участак аўтадарогі Тапалеўка - Лісічанск.

УСУ спынілі наступ супраціўніка ў кірунку Лапікаўка - Лісічанскі жэлацінавы завод і прымусілі акупантаў адысці.

Бахмуцкі кірунак

Расейцы нанеслі ракетна-авіяцыйны ўдар у раёне н. п. Соледар, вялі артабстрэлы раёнаў Белагораўкі, Пакроўскага, Клінавеог, Новалуганскага.

УСУ паспяхова спынілі спробы наступальных і штурмавых дзеянняў у напрамках Мікалаеўка - Спорнае, Уладзіміраўка - Пакроўскае, Даламітнае - Вуглягорская ТЭС.

Аўдзееўскі, Курахаўскі, Навапаўлаўскі і Запарожскі кірункі

Расейцы абстрэльваюць пазіцыі са ствольнай і рэактыўнай артылерыі на лініі сутыкнення, нанеслі ракетны ўдар па наваколлях н. п. Аўдзееўк , вялі паветраную выведку беспілотнікам "Арлан-10"

Паўднёвабужскі кірунак

Вораг працягвае абстрэльваць раёны н. п. Трудалюбаўка, Княжоўка, Вясёлы Кут, Чырвоны Яр, Кабзарцы, Любаміроўка, Пасад-Пакроўскае, Лупарава, праводзіў паветраную выведку. Працуюць сродкі радыёэлектроннай барацьбы ў н.п. Вялікая Аляксандраўка.

Акваторыя Чорнага мора

Супраціўнік у гатоўнасці да выкарыстання ракетнага ўзбраення ў акваторыі Чорнага мора, дзе знаходзяцца тры носьбіты крылатых ракет марскога базавання тыпу "Калібр".

Пры гэтым, не вытрымаўшы агнявога ўплыву ўкраінскіх артылерыйскіх, ракетных і авіяцыйных падраздзяленняў, расейскія кафіры пакінулі выспу Змяіную, а затым - Адэсчына поўнасцю вызваленая, дадаюць у Генштабе.