У Менску не змаглі раз'ехацца два Land Rover
15- 30.06.2022, 21:00
- 9,686
Адзін з іх ад удару перакуліўся.
Раніцай 30 чэрвеня ў менскай Сляпянцы сутыкнуліся адразу два пазадарожнікі Land Rover: адзін з іх ад удару перакуліўся, расказалі ў менскім ДАІ.
Паводле папярэдняй інфармацыі, аб 11 гадзіне раніцы 52-гадовая жанчына, якая кіравала Land Rover, ехала па 1-му Запарожскаму завулку ў кірунку вуліцы Анаева і не саступіла дарогу яшчэ аднаму аўтамабілю той жа маркі. Пазадарожнікі сутыкнуліся, другі аўтамабіль ад удару перакуліўся і зноў стаў на колы.
На шчасце, у ДТЗ ніхто не пацярпеў, за выключэннем абодвух пазадарожнікаў - самаходы атрымалі пашкоджанні.
У ДАІ нагадалі, што кіроўца аўтамабіля, які рухаецца па другаснай дарозе, на скрыжаванні павінен саступіць дарогу машынам, якія набліжаюцца да яго па галоўнай дарозе, незалежна ад іх далейшага кірунку руху.