У Расеі хочуць адбіраць чужыя тэрыторыі па-новаму

У Дзярждуме з'явілася прапанова.

У Дзярждуму РФ унеслі законапраект, які ўстанаўлівае новы парадак "прыняцця ў дзяржаву новых тэрыторый".

Пра гэта паведамляе РБК са спасылкай на тлумачальную нататку, прымацаваную да дакумента.

Дэпутаты прапануюць унесці папраўкі ў закон "Аб парадку прыняцця ў Расейскую Федэрацыю і ўтварэнне ў яе складзе новага суб'екта Расейскай Федэрацыі", які фактычна легалізуе анэксію тэрыторый іншых дзяржаў.

Прыняцце паправак замацуе на заканадаўчым узроўні норму, якая мяркуе, што анэксія не будзе залежаць ад "месцазнаходжання межаў замежнай дзяржавы або яе часткі".