8 жнiўня 2022, панядзелак, 11:15
Сім сім, Хартыя 97!
Рубрыкі

Уцякаючы са Змяінага, расейцы палілі дакументы: Якую тэхніку страцілі акупанты

5
Уцякаючы са Змяінага, расейцы палілі дакументы: Якую тэхніку страцілі акупанты

Сталі вядомыя новыя падрабязнасці вызвалення вострава.

На Змяіным востраве ў Чорным моры ў выніку ракетна-артылерыйскіх удараў, нанесеных украінскімі вайскоўцамі па сілах расейскіх акупантаў, былі знішчаныя палявы склад боепрыпасаў, зенітна-ракетны комплекс "Тор", прычэп з дызель-генератарам і адзін маламерны катар.

Ворагі пры адступленні са Змяінага вострава ўзарвалі рэактыўную сістэму залпавага агню і транспартна-зарадную машыну да ЗРК "Тор", падзяліліся ў аператыўным камандаванні "Пивдень" Узброеных сілаў Украіны.

"...Заканчваючы экстранную эвакуацыю асабовага складу з вострава Змяіны, рашысты знішчалі ваенную тэхніку, дакументацыю і маёмасць. Верагодна, ажыццёўленае мінаванне мясцовасці, прычала і навакольных водаў ля вострава..." – падзяліліся ва УСУ.

Нагадаем, 30 чэрвеня ў АК "Пивдень" паведамілі, што ноччу абаронцы Украіны нанеслі ўдар па востраве Змяіны, пасля чаго ворагі, верагодна, яго пакінулі. Пазней стала вядома, што каля Змяінага вострава ўкраінскія ваяры збілі расейскі гелікортар Ка-52 "Алігатар".

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».