«Пад бокам у Пуціна аказваецца ўсё больш парахавых бочак»

Па перыметры РФ запалала.

Расея страчвае кантроль над блізкім замежжам: ва Узбекістане пачаліся хваляванні, якія могуць развівацца па казахстанскім сцэнары, піша «Кремлевский мамковед».

Мітынгі пачаліся ў рэспубліцы Каракалпакстан, якая пасля распаду СССР увайшла ў склад Узбекістана, але захавала за сабой права выхаду з краіны па выніках рэферэндуму. Нагодай для пратэстаў сталі прапанаваныя прэзідэнтам Узбекістана Шаўкатам Мірзіёевым папраўкі да Канстытуцыі, адна з якіх пазбаўляе Каракалпакстан суверэннага статусу. Дарэчы, папраўкі таксама прадугледжваюць падаўжэнне тэрміна прэзідэнцкіх паўнамоцтваў з 5 да 7 гадоў.

Цікава, што пратэсты ва Узбекістане і Казахстане маюць шмат агульнага: кіраўнікі дзяржаў прыйшлі да ўлады нядаўна і немінуча ўключыліся ў канфлікт інтарэсаў са "старымі" элітамі. Аналагічны сцэнарый можа рэалізавацца і ў Туркменіі, дзе ў сакавіку гэтага года на змену Гурбангулы Бердымухамедаву, які займаў прэзідэнцкае крэсла з 2006 года, прыйшоў яго 40-гадовы сын.

Рэгіён, раней цалкам падкантрольны Пуціну, уваходзіць у перыяд нестабільнасці. Сілавікі, якія пры Карымаве ўмацаваліся ў статусе нікому непадкантрольнай групы, могуць выкарыстоўваць уведзены ў Каракалпакстане рэжым надзвычайнага здарэння для аказання ціску на прэзідэнта. У гэтай сітуацыі ёсць дзве траекторыі развіцця - капітуляцыя Мірзіёева і ўсталяванне сілавікамі поўнага кантролю над сістэмай або ўступленне прэзідэнта ў апаратную барацьбу, зыход якой непрадказальны.

Так ці інакш, пад бокам у Пуціна аказваецца ўсё больш парахавых бочак.