Кітай чакае, калі Расея ўпадзе
8- 3.07.2022, 11:38
- 8,220
Пекін вядзе вельмі тонкую і мудрагелістую гульню.
Кітай мае тое, што трэба Расеі для ўзмацнення. Аднак там не зацікаўлены ў тым, каб хоць чым дапамагаць краіне-агрэсару.
Наадварот, Кітаю выгадна, каб Расея прыкметна аслабла і сама падпаўзала да іх з просьбамі аб супрацоўніцтве і дапамозе. Пра гэта сказаў расейскі праваабаронца Марк Фейгін. Сваё меркаванне ён выказаў 24 каналу.
«Кітай вядзе сваю вельмі тонкую і мудрагелістую гульню», - сказаў Фейгін.
Да прыкладу, тое, што NATO афіцыйна прызнаў Расею сваёй стратэгічнай пагрозай, а Кітай - апанентам, нават такія заявы для азіяцкай краіны таксама карысныя.
«У Кітая толькі адно патрабаванне, маўляў, аддайце нам Тайвань. Яны пакрысе дамагаюцца гэтых саступак. Масква ж хоча ўсю Усходнюю Еўропу», - дадаў праваабаронца.
Таму ён лічыць, што праз гэта Кітай і трымаецца больш сціпла. Аднак ад перамогі ці паразы Захаду ў супрацьстаянні з Масквой залежыць лёс Тайваня.
«Кітай сапраўды нарошчвае вайсковы бюджэт і сваё войска. Усё гэта з улікам таго, што яны чакаюць, калі Расея ўпадзе», - падкрэсліў Фейгін.