«Тэрмометр у цэху паказаў 47 градусаў»

Рабочых у Барысаве прымушаюць працаваць у невыносную спякоту.

Работнік аднаго з заводаў Барысава расказаў, што ў цэху кожны год пекла, а зімой холад - да 10 градусаў. Рабочы дзень пры гэтым не скарачаюць, хаця па беларускім заканадаўстве павінны.

- Цяпер у цэху зноў няма чым дыхаць, асабліва калі працуеш у другую змену. Сёння прынёс з дому тэрмометр, ён паказаў 47 градусаў. Не разумею, ці ён зламаўся, ці мне такая спякота не здаецца смяротнай. Вядома, пот цячэ ракой, але скардзіцца няма сэнсу: у нас у калектыве ўсе баяцца лішняе слова супраць сказаць, - сказаў мужчына.

Сайт ex-press.by прыводзіць каментар юрыста з гэтай нагоды.

Патрабаванні да мікраклімату на працоўных месцах у офісах і вытворчых памяшканнях устаноўлены санітарнымі нормамі і правіламі, зацверджанымі пастановай Міністэрства аховы здароўя Рэспублікі Беларусь ад 30.04.2013 г. №33.

Наймальніку прадпісана выкарыстоўваць меры абароны працаўнікоў, уключаючы кандыцыянаванне паветра, паветранае душаванне, ужыванне сродкаў індывідуальнай абароны, стварэнне памяшканняў для адпачынку і абагравання, а таксама рэгламентаваць час працы ў шкодных умовах працы.

У артыкуле 11 закона «Аб ахове працы» таксама гаворыцца, што, калі працоўнае месца не адпавядае правілам аховы працы і тым самым пагражае жыццю або здароўю работніка, той мае права адмовіцца ад выканання працы.