Bloomberg: ЕЗ можа даць больш за 500 млрд еўраў на аднаўленне Украіны

На гэтым тыдні Украіна падасць маштабны праект аднаўлення краіны.

Еўрапейскі звяз можа даць больш за 500 млрд еўраў на пасляваеннае аднаўленне Украіны

Пра гэта паведамляе Bloomberg.

Паведамляецца, што на донарскай канферэнцыі ў Лугана (Швейцарыя) на гэтым тыдні Украіна падасць маштабны праект аднаўлення краіны. Паводле звестак Bloomberg, план складаецца з амаль 2000 старонак і змяшчае шырокі спіс праектаў у галіне інфраструктуры і бяспекі, інвестыцый у клімат і лічбавую эканоміку, а таксама ў дыверсіфікацыю энэргетычных рэсурсаў.

Чакаецца, што Еўразвяз пакрые асноўную частку агульнай фінансавай дапамогі, якая можа перавысіць 500 млрд еўраў. Еўракамісія ўжо вывучае варыянты фінансавання, якія ўключае гранты і пазыкі. Афіцыйныя асобы ўстрымліваюцца ад адзнак, пакуль працягваецца вайна Расеі супраць Украіны.