Вечаровая зводка Генштаба УСУ

Украіна 130-ы дзень супрацьстаіць уварванню РФ.

Расейскія вайскоўцы захапілі Залатароўку. Таксама спрабуюць завалодаць і Белагораўкай.

Пра гэта паведамляе Генштаб УСУ.

Галоўныя падзеі гэтага дня на фронце:

на Валынскім і Палескім кірунках істотных зменаў у становішчы і характары вайскоўцаў Беларусі не адзначаецца;

на Северскім напрамку акупанты абстралялі з артылерыі раёны памежных населеных пунктаў Бачэўск і Волкаўка Сумскай вобласці;

на Харкаўскім кірунку вораг спрабуе не дапусціць прасоўвання ўкраінскіх вайскоўцаў. Акупанты абстралялі раёны населеных пунктаў Золачаў, Хрэсцішча, Малінаўка, Чаркаская Лазавая і Чэпель;

на Славянскім напрамку вораг вёў агонь па тэрыторыі непадалёк Даліны, Курулькі, Багародзічнага, Адамаўкі і Гусараўкі. Украінскія байцы адбілі штурм у напрамку Пасека-Даліна;

на Краматорскім напрамку акупанты фарсіруюць раку Северскі Данец і спрабуюць захапіць Белагораўку. Спрабуюць абстрэламі скаваць украінскія войскі;

на Лісічанскім напрамку акупанты абстралялі з артылерыі населеныя пункты Залатароўка і Верхнякаменка. Падчас штурму ў напрамку Залатароўкі ўзялі пад кантроль населены пункт;

на Бахмуцкім напрамку акупанты абстралялі з артылерыі раёны Салядара, Пакроўскага, Бахмута і Клінавога. Украінскія байцы адбілі штурм у напрамках Почачнае – Бераставое, Васільеўка – Бераставое, Ваўчаяраўка – Спорнае і Мікалаеўка – Спорнае;

на Аўдзееўскім, Курахаўскім, Навапаўлаўскім і Запарожскім напрамках акупанты абстрэльвалі раёны населеных пунктаў Аўдзееўка, Пяскі, Новаміхайлаўка, Врэмаўка, Гуляйполе, Валшэбнае, каб скаваць дзеянні ўкраінскіх байцоў. Таксама вораг нанёс авіяўдар непадалёк ад Каменкі, Аўдзееўкі і Шаўчэнкі;

на Паўднёвабугскім кірунку акупанты спрабуюць не дапусціць пасоўвання ўкраінскіх байцоў і ўжываюць захады ў лагістычным забеспячэнні войскаў і ўдасканаленні сваіх пазіцый;

на Мікалаеўскім напрамку вораг прадаўжае наносіць ракетныя ўдары, каб панізіць наступальныя здольнасці ўкраінскіх вайскоўцаў.