Вахтанг Кікабідзэ: Уначы ўзяў бутэльку гарэлкі і да раніцы склаў пяць песень

І ўсе вельмі папулярныя.

Грузінскі актор, спявак, заслужаны артыст Украіны Вахтанг Кікабідзэ ў інтэрв'ю, якое 28 ліпеня выйшла на ізраільскім YouTube-канале Odesa Film Studio, расказаў, што яму ўжо надакучыла выконваць песню са свайго рэпертуару "Мае гады", піша "Гордан".

"Мае гады" - вось тут, - правёў пальцам па шыі артыст. - Калі мне яе напісалі, мне было 40 гадоў, а сёння 84. І ўвесь час просяць гэтую песню. Ведаеце, чалавек так створаны, што ён тваімі вуснамі хоча пачуць, што жыццё - правільная рэч".

Са слоў Кікабідзэ, кампазітараў і паэтаў, з якімі ён супрацоўнічаў усё жыццё, ужо няма ў жывых.

"А сярод маладых я не магу знайсці такога, якому было б цікава напісаць тое, што мне будзе цікава спяваць, - прызнаўся Кікабідзэ. - Я неяк памерлай жонцы сказаў: "Дай я сам сабе напішу - можа, што-небудзь атрымаецца ў мяне?" Уначы ўзяў бутэльку гарэлкі, зачыніўся ў пакоі і да раніцы склаў пяць песень. Усе вельмі папулярныя. Усё! Чаму? Таму што яны сэнсавыя".