Працаўнікам «Кароны» ў Гародні забараняюць купляць прадукты ў канкурэнтаў
11- 4.07.2022, 9:51
- 11,512
Супрацоўнікаў гіпермаркета збіраюцца адсочваць.
Супрацоўнікам гіпермаркета «Карона» на праспекце Купалы ў Гародні нібыта забараняюць хадзіць па прадукты ў дыскаунтэр «Маяк», які адкрыўся побач, піша Hrodna.life са спасылкай на свае крыніцы.
Выданне перадае паведамленні супрацоўнікаў «Кароны»: з іх словах, ніякіх папер падпісваць іх не прымушалі, але сапраўды вусна забаранілі закупляцца ў «Маяку» - маўляў, калі кагосьці з працаўнікоў там заўважаць, за гэта будуць санкцыі, «бо ў канкурэнтаў закупляцца нельга».
Кіраўніцтва гіпермаркета ніякіх каментароў не дало.
Супрацоўнікі гарадзенскай «Кароны» расказалі выданню, што кіраўніцтва і раней намагала на тым, каб яны не куплялі прадукты ў крамах іншых канкурэнтных сетак: «Маўляў, вы ж працуеце ў «Кароне», вам трэба працягваць кантракт штогод. Таму трэба падтрымліваць свайго працадаўцу».