«Днямі зайшла ў краму і войкнула»
79- 4.07.2022, 15:47
- 29,120
Чаму маладая маці са Слуцка вымушаная стаць донарам.
Kurjer.info апублікаваў ліст чытачкі:
- Днямі зайшла ў краму і войкнула. Вялікае пачак падпаскаў для сваёй малечы купляла за 62 рублі. Яны ўвесь час былі на акцыі, у прынцыпе, як і іншыя падпаскі.
І проста ўвогуле няма нічога на акцыі, нават самых дрэнных падпаскаў. У тры разы паднялася цана! А мне два такія пачкі патрэбныя на месяц. На які сегмент людзей яны разлічваюць? Пакута!
Вядома, можна купіць падпаскі і горшыя… Але…! Па-першае, яны былі не надта таннейшыя, па-другое, часта працякаюць (ужо праверана), адпаведна, большы выдатак, трэба часцей купляць. Ну і дзе тут эканомія? Увогуле, гамон!
Тут нагадаю, што выплата цяпер 530 рублёў. Апроч падпаскаў, яшчэ патрэбная сумесь. Вось і падлічыце.
У выніку знайшла на дастаўцы пакунак за 55 рублёў. І ўжо забрала. Роўна такія ж падпаскі, што і тыя, якія каштавалі 150 рублёў. Слоў няма…
Навошта я гэта расказваю? Не, не пажаліцца.
Я заўсёды думала стаць донарам. Але бясплатна. За дапамогу чалавеку грошы браць - карысліваць. А тут так выходзіць, што вымушаны. Падпаскі сталі апошняй кропляй, пасля якой надумала здаваць кроў. Таму што пакуль з немаўлём на руках і ягоным рытмам росту падпрацоўку сабе дазволіць не магу. Яшчэ і мужа ўпрошваю. Выйдзе ад донарства 280 рублёў з дваіх раз на два месяцы.