Кіраўнік МЗС Украіны расказаў, пры якой умове лукашэнкаўскае войска пяройдзе мяжу

Рызыка будзе расці.

Рызыка непасрэднага ўдзелу Беларусі ў вайне на баку Расеі будзе расці прапарцыйна магчымым поспехам расейскага войска на тэрыторыі Украіны.

Пра гэта заявіў міністр замежных спраў Украіны Дзмітрый Кулеба ў інтэрв'ю LB.ua.

“Па-першае, Расея ўжо выкарыстоўвае беларускую тэрыторыю. Калі гаворка ідзе пра беларускае войска, думаю, што гэтая рызыка будзе расці прапарцыйна магчымым поспехам расейскага войска на тэрыторыі Украіны. Да таго часу, пакуль беларускае войска будзе дакладна разумець, што Узброеныя Сілы Украіны маюць сілу ім сур'ёзна надаваць, яны будуць усяляк адцягваць сваё мерапрыемства. Цяпер яны гэта дакладна ўсведамляюць", - сказаў ён.

Каментуючы цяперашнюю дыпламатычную камунікацыю з Беларуссю, кіраўнік МЗС зазначыў, што "гэта вельмі-вельмі абмежаваныя кантакты".