Будаўнічы сектар Беларусі страчвае работнікаў

Экспэрты расказалі, у чым прычына масавага адтоку кадраў.

За пяць месяцаў 2022 года арганізацыі будаўніцтва Беларусі прынялі на працу 13,6 тысячы чалавек, а звольнілі 19,6 тысячы.

Такім чынам, на чыстай аснове адток кадраў з галіны склаў амаль 6 тысяч чалавек, паведамляе тэлеграм-канал BANKI24.BY. Суадносіны прынятых і звольненых работнікаў у студзені-траўні існага года склалі 69,6 адсотка, гэта значыць, 696 прынятых на кожную 1000 звольненых.

У траўні 2022 года агульная сітуацыя рынку працы захавалася. За гэты месяц арганізацыі звольнілі 4,0 тысячы работнікаў, а прынялі - 2,6 тысячы. Чысты адток у траўні склаў 1,4 тысячы работнікаў, суадносіны прынятых і звольненых - 64,9%.

Статыстыка ахоплівае кампаніі са сярэдняспісачным персаналам 16+ чалавек. Экспэрты тлумачаць кадравы адток агульным станам попыту ў краіне і ад'ездам часткі будаўнікоў на аб'екты ў Расеі і Еўразвязе.