Навукоўцы выявілі нечаканую крыніцу альтэрнатыўнага паліва

Спецыялісты знайшлі новы спосаб паднімаць самалёты ў неба.

Паліва, якое вырабляецца для самалётаў, бярэ свае вытокі ў нафце. Гэты выкапнёвы рэсурс абавязкова хутка скончыцца. Але яшчэ адна прычына, на якую навукоўцы шукаюць спосабы стварыць альтэрнатыўнае паліва - гэта выкіды ў атмасферу з рухавікоў самалётаў, якія ўплываюць на глабальнае пацяпленне. Новае даследаванне паказала, што можна стварыць экалагічна чыстае паліва з бактэрый, якія жывуць у глебе, паведамляе Daily Mail (пераклад - «Фокус»).

Пры ўзгаранні паліва на аснове нафты адбываецца выдзяленне вялікай колькасці энэргіі. Але навукоўцы захацелі праверыць, ці можна стварыць той жа працэс без выкапнёвай крыніцы паліва. Таму навукоўцы звярнулі ўвагу на вугляродную малекулу пад назвай джасаміцын, якую вырабляюць звычайныя бактэрыі, што жывуць у глебе пад назвай стрэптаміцэты.

«Рэцэпт альтэрнатыўнага паліва ўжо ёсць у прыродзе. Калі глебавыя бактэрыі паглынаюць глюкозу або амінакіслоты, яны расшчапляюць іх і ператвараюць у будаўнічыя блокі для вугляродных сувязей. З'яўляецца малекула джасаміцын. І гэтыя малекулы могуць ствараць магутнае выдзяленне энэргіі», — кажа Пабла Круз-Маралес з Тэхнічнага ўніверсітэта Даніі.

Са слоў навукоўца, паліва, якое могуць ствараць бактэрыі, шмат у чым падобнае на біядызель. Гэтае паліва яшчэ трэба апрацаваць, каб пры спальванні яно магло прывесці ў рух не толькі самалёт, але і касмічную ракету.

«Калі можна зрабіць паліва з біялагічных крыніц, то навошта ствараць паліва з выкапнёвых, гэта значыць, з нафты? Нам трэба правесці дадатковыя даследаванні, каб з дапамогай гэтых бактэрый можна было ствараць паліва ў прамысловых маштабах. І гэтае паліва змогуць выкарыстоўваць самалёты», — кажа Круз-Маралес.

Але пакуль асноўная праблема палягае ў тым, што на шляху да стварэння альтэрнатыўных тыпаў паліва стаіць перашкода ў выглядзе сталай падтрымкі з боку ўрадаў вядучых краін вытворчасці паліва з нафты, гаворыць навуковец.

«Гэта палітыка. Наша планета залежыць шмат у чым ад нафты. Але яна ўсё ж скончыцца і прыйдзе час звярнуць увагу на альтэрнатыўныя крыніцы паліва. І тут спатрэбіцца наша распрацоўка», — гаворыць Круз-Маралес.