Казахстан дапаможа Еўропе з нафтай і газам
14- 4.07.2022, 20:12
- 23,110
Пра гэта заявіў прэзідэнт Казахстана.
Казахстан гатовы выкарыстоўваць свой вуглевадародны патэнцыял для стабілізацыі сітуацыі на сусветных рынках.
Пра гэта заявіў прэзідэнт краіны Касым-Жамарт Такаеў падчас тэлефоннай размовы з прэзідэнтам Еўрапейскай рады Шарлем Мішэлем, паведамляе прэс-служба прэзідэнта Казахстана.
Такаеў выказаў занепакоенасць у сувязі з пагрозамі энэргетычнай бяспекі ў свеце.
Казахстан, паводле ягоных словаў, гатовы выкарыстоўваць свой вуглевадародны патэнцыял з мэтай стабілізацыі сітуацыі на сусветных і еўрапейскіх рынках.
Паводле словаў Такаева, краіна адданая развіццю ўстойлівых сувязяў з Еўразвязам – самым буйным гандлёвым партнёрам Казахстана.