ISW: Партызаны паспяхова атакуюць чыгункі, якія выкарыстоўвае Расея
3- 5.07.2022, 8:54
- 16,762
Дыверсійная кампанія добра арганізаваная.
Украінскія партызаны, падобна, накіраваныя на чыгуначныя шляхі, якія выкарыстоўвае Расея каля часова акупаванага Мелітопаля ў Запарожскай вобласці. Пра гэта паведамляе Інстытут вывучэння вайны (ISW) у зводцы за 4 ліпеня.
У Інстытуце пералічылі атакі партызанаў, пра якія стала вядома ў апошнія дні.
3 ліпеня ўкраінскія партызаны ўзарвалі чыгуначны мост каля акупаванай Любімаўкі паміж Мелітопалем і Такмакам Запарожскай вобласці, што, верагодна, перашкодзіла расейскім намаганням у перавозцы запасаў з Крыма на лінію фронту ў Запарожскай вобласці.
2 ліпеня пад Мелітопалем украінскія партызаны пусцілі пад адхон чарговы расейскі бронецягнік з боепрыпасамі.
Раней яны наносілі ўдары па расейскіх бронецягніках і лакаматывах у Мелітопалі ў канцы красавіка і сярэдзіне траўня.
Аналітыкі ISW прыйшлі да высновы, што такая мадэль актыўнасці можа ўказваць на скаардынаваную партызанскую кампанію супраць чыгунак, якія выкарыстоўвае Расея для вядзення вайны супраць Украіны.