У Нарвегіі працоўныя нафтавых радовішчаў абвесцілі страйк

Нафтавікі патрабуюць павышэння заробку, жадаючы кампенсаваць рост інфляцыі.

Працоўныя шэрагу прадпрыемстваў здабыўной галіны Нарвегіі абвесцілі страйк, патрабуючы павышэння заробку. Прыпыненне працы кампаній скароціць здабычу нафты.

Пра гэта паведамляе Reuters.

Працоўныя патрабуюць павышэння заробку, жадаючы кампенсаваць рост інфляцыі. Ва ўрадзе Нарвегіі заявілі, што ўважліва сочаць за канфліктам і гатовыя ўмяшацца, каб спыніць страйк.

У аўторак праз страйк здабыча нафты і газу ў Нарвегіі скароціцца на 89 000 бараляў нафтавага эквіваленту за суткі, з якіх здабыча газу складзе 27 500 бараляў за дзень. Страйкі пачаліся апоўначы паводле мясцовага часу на трох радовішчах – Гудрун, Осеберг Поўдзень і Осеберг Усход – і распаўсюдзяцца сумарна на сем радовішчаў.

Нагадаем, што Нарвегія праз санкцыі адмовілася прапускаць расейскі груз на архіпелаг Шпіцберген.