Найміты «Вагнера» залучаюць зняволеных для вайны ва Украіне

Тым, хто выжыў, абяцаюць свабоду і грошы.

У калоніях Санкт-Пецярбурга найміты ПВК "Вагнер" пачалі вербаваць на вайну зняволеных. Плануецца, што яны будуць прытрымлівацца ў авангардзе наступы і выяўляць пазіцыі ўкраінскага войска.

Пра гэта паведамляе выданне "Важные истории".

Зняволеным, якія выжылі, за паўгода службы абяцаюць выплаціць 200 тысяч рублёў і амніставаць. Адзначаецца, што "добраахвотнікаў" будуць афармляць нібыта як на этап, і да мяжы павязуць пад канвоем, як звычайных зняволеных.

У ПВК абяцаюць, што, калі навабранец у выніку баявых дзеянняў загіне, то ягонай сям'і выплацяць 5 мільёнаў рублёў. Аднак абяцаных грошай можна і не атрымаць, бо ніякімі дакументамі адпраўка на фронт падмацоўвацца не будзе. У калоніях Санкт-Пецярбурга запісацца захацелі блізу 200 чалавек, але ў выніку прайшло блізу 40. Пры адборы ахвотных правяралі нават на паліграфе.

Са звестак выдання, першую групу "добраахвотнікаў" ужо рыхтуюць да адпраўкі.