На Данбасе УСУ ўпершыню ў свеце паспяхова выкарысталі нямецкія набоі SMArt

Расея не здольная распрацаваць аналагі падобнай высокадакладнай зброі.

На Данбасе адбылося першае ў свеце паспяховае баявое выкарыстанне набояў SMArt, вытворчасці нямецкай кампаніі GIWS mbh.

Як паведаміў украінскі журналіст Юры Бутусаў, дзякуючы гэтым звышсучасным саманаводным набоям УСУ атрымалі значную перавагу, бо Расея не здольная распрацаваць аналагі падобнай высокадакладнай зброі.

Са звестак крыніц, пры абстрэле 1 ліпеня двума набоямі былі знішчаныя дзве адзінкі расейскай тэхнікі. Магчыма, адная з іх была ЗРПК "Панцыр" або танк. 2 ліпеня нямецкімі набоямі SMArt УСУ накрылі цэлую калону - пашкоджаны або знішчаны да 8 адзінак баявой тэхнікі акупантаў.